Juan Sieiro González, educador krausista, heterodoxo Masón (Galician Edition)

Juan Sieiro González, educador krausista, heterodoxo Masón (Galician Edition)

Se a historia da francmasonería galega (grazas aos traballos de Alberto Valín ou Luís Lamela) xa dispón de bibliografía suficiente para coñecermos as loxas que traballaron no noso país nos séculos XIX e XX e os nomes das persoas que as conformaron, quedan aínda moitos ámbitos nos que a investigación histórica aínda está comezando a súa andaina. Un deles, o estudo da presenza dos masóns galaicos nos ámbitos da educación, a cultura, o asociacionismo ou o librepensamento (temos feito algunha achega persoal neste sentido, pero queda un mundo) e as biografías de moitas destas persoas que desempeñaron, na sociedade do seu momento, un papel de relevancia. Dispoñemos das de algúns que se dedicaron á Literatura (aínda que, en bastantes ocasións, se esqueza ou minusvalore a súa filiación masónica), ou á política, pero nada, ou case nada, de figuras destacadas da ciencia (por poñer un par de exemplos, o célebre médico Maximino Teijeiro Rodríguez, reitor da Universidade de Santiago, ou o enxeñeiro, avogado e escritor José Sánchez Villamarín)...